“Бүхэнд хамгийн нийтлэг зүйл юу вэ” Найдвар. Учир нь хэрэв хэнд ч, юу ч байхгүй бол тэр нь найдвар байдаг” хэмээн гүн ухаантан хэлжээ. Хүн болгоны амьдралын үүрдийн дагуул, насан туршийн өмөг түшиг бол найдвар юм.

“Ард түмний сайн сайхан байдал хамгийн дээд хууль мөн” хэмээн маш эрт үед нэгэн ухаантан айлджээ. Хүн болгон өөрийн амьдралын эзэн байдаг ч ард түмний сайн сайхан байдал жинхэнэ ёсоор хангагдаж, хамгийн дээд хууль хэрэгжих эсэх нь төрийн толгойд заларч байгаа эрхмүүдээс маш их хамааралтай.

Урсаад өнгөрсөн хорин жилийн түүхэн үйл явцын оноо, алдааг намын ээлжит Их хурлаар дүгнэхээр шийдвэрлэсэн нь сайн хэрэг.

МАХН-ын XXV IИх хурал ардчилсан, олон ургалч үзлийн зарчмаар хэн нэгний дэглэсэн дэглэлт, хайрцагласан хайрцаггүйгээр ухаан бодлоо уралдуулан чуулж байгаад цөөнгүй их хурлын заримыг нь удирдаж, заримд нь төлөөлөгчөөр оролцож байсан гишүүний хувьд олзуурхаж, баяртай байна.

Бусдын өмнө бөхөлзөж амьдрах гутамшиг. Тэнгэр бурхан нарт ертөнцөд мэндэлсэн хүмүүст нэг хэсгийг нь бөхөлзүүлж, нөгөө хэсгийг нь бөхөлзөж амьдрахаар хувь заяа хуваарилаагүй.

Авах өгөхийн хэмжээ харьцаа, наадах цаадахыг тааруулж тохируулж сурах нь амьдралын бартаат замаар зөв явах нэг нөхцөл мөн.