Сурв: За эрхэм үзэгчдээ, манай энэ удаагийн ерөнхийлөгчийн сонгуульд зориулсан халз мэтгэлцээн ийнхүү эхэлж байнаа. За та гуравт өдрийн мэнд хүргэе. Сая утасдахад хаана хаана явж байв аа? Ээгий ах хаана явжээв?

Ээгий: Үэхэхэх, ах нь сая Монголынхоо нийт цэцэрлэгүүдээр явж бяцхан Чингисхаануудтайгаа уулзаж яваад ирлээ л дээ. Миний дөө чи ч гэсэн нэг Чингисхаан шүү дээ. Харваас яасан адилхан юм бэ.

Баак: За би сая, монгол эр хүний ёсоор гэртээ сайхан далны яс мөлжчихөөд, тэгээд ясыг нь чигчий хуруугаараа үйрүүлж хаячихаад, тэгээд сайхан монгол эр хүний ёсоор мөлчийтэл усанд орж оржаагаа л ирлээ.

Ука: Би... гуравдахь ерөнхийлөгч дээрээ байж байгаад л ирлээ.

Сурв: За. Та нар бага насаа ярихгүй юу.

Ээгий: Ээж намайг тарваганы нүхэнд орхиод л аргалд явчихдаг байлаа хэ хэ хэ....

Баак: Харин аав намайг баавгайны нүхэнд үлдээдэг байлаа. Нэг удаа бүр намар хийгээд хавар авсан шүү. Улсын наадамд 12 түрүүлснийгээ би бамбаруушнуудтай ноцолдож өссөнийх гэж боддог.

Ээгий: Тэгвэл би ийм сайхан ярьдаг болсныгоо мөндөлнүүдэд үлгэр ярьдаг байсных гэж боддог.

Сурв: За уучлаарай, энэ мэтгэлцээн болохоос маргаан биш. Тэгвэл Ука эгчээ, танд ямар нэг нүхтэй холбоотой дурсамж бий юу?

Ука: Байлгүй яахав хи хи хи...

Сурв: Бишээ биш. Энэ хоёрых шиг ийм амьтны үүр мүүртэй холбоотой?

Ука: Өө яанаа хэ хэ. За байз... бодьё. Ээж намайг багад хулганы нүхэнд... Аа биш зурамны нүхэнд.... Үгүй ээ үгүй, хярсны үүрэнд.... за за надад тийм дурсамж байхгүй юм байна. Ерөнхийлөгч болоход заавал ямар нэг амьтны нүх хэрэг болох юм уу? Ер нь миний бага нас сайхан өнгөрсөөн. Тэр үед танихгүй ч гэсэн Энхбаяр гэх хөөрхөн шар хүү надтай зэрэгцээд өсч байгааг мэдэрч, маш их аз жаргалтай байдаг байлаа.

Сурв: Та гурав ер нь ямар ямар онцлогтой хүмүүс байна?

Ээгий: Би юу? Би бол би. Би! (хэсэг чимээгүй)...яасан?

Сурв: Өө ингээд болчиж байгаамуу? За Баак гуайн хувьд?

Баак: За миний хувьд бол ер нь, миний нэр цэвэр, гар цэвэр, сэтгэл цэвэр л хүн дээ.

Ука: Хүүе, чи бас цэвэршциймүү?

Сурв: Хихи аниа минь дээ. Ингэхэд та ямар онцлогтойв?

Ука: Би бол өөрийн гэсэн онцлогтой л хүн дээ.

Сурв: Аанха?

Ука: Юун аанха гэж! Хэлчээд байна шд ямар онцлогтойгоо. (нүдний шилэн дээгүүрээ харав)

Сурв: Аан заза, тэгвэл та гурав өөртөө тохиолдож байсан хөгтэй явдлаасаа яриач

Ээгий: Хэ хэ хэ намайг нэг удаа явжээсэн чинь.....

Ука: Энэ одоо яагаад дандаа эхлээд ярьж байдийн бэ. Би ярий л даа энэ чинь. ...Надаа бол хөгэй явдал маш их тохиолдож байдаг. Өдөр тутам, үргэлж л тохиолдож байдаг даа.

Сурв: Аа за, Баак гуай?

Баак: Би дараа нь ярья даа. Нэг тийм сайхан монгол ёс байдаг шүү дээ. Дараа нь ярьдаг. Би гараа угаачихаад ирье. Жоохон бохирдчихлоо.

Ээгий: Хэ хэ хэ намайг нэг удаа явжээсэн чинь нэг охин захиа өгөөд. Задлаад уншсан чинь ЧЧТҮ гэцэн байдийм даа. Нөгөөдхий нь мэддэггүй. Тэгсэн чинь Чамайг Чанга Тэврэн Үнсий гэж байгаам гэнэ. Ээээ хэ хэ хэ. Хотын охид ч ална шүү нээрээ. Эээ хэ хэ.

Баак: Намайг бас нэг охин өдөөд. Тэгээд одоо өдөөд байхаар чинь яахав дээ яваад очихгүй юу. тэгсэн АТҮ гэж хашгираад зугтаачдаг байгаа. Тэгсэн тэр нь Аяархан Тэвэрч Үнсээрэй гэж байгаа юм гэнээ.

Сурв: Үнэхээр инээдтэй явдлууд байна аа. Та гурав морь унахдаа хэрэв?

Баак: Ээ-хм!

Ээгий: Би чгэсэн ээ-хм!

Баак: Би мориндоо өөрөө унуулаад явж чадна.

Ээгий: Би хэдхэн үг хэлээд л нохой шиг дагуулаад явж чадна.

Баак: Би хоёр морь ч үүрээд явж чадна.

Ээгий: Би сүрэг адууг умруулаад дагуулаад явж чадна. Баакаа хөгшөөн, гүднайт! Үэхэхэ

Сурв: за уучлаарай. Одоо Ука эгчээс асууя.

Ука: Морьтон уу тээ хихихи. Юу л даа тэр чинь бол нөгөө хайрын олон сайхан байрлалуудын нэг л дээ.

Сурв: Уучлаарай Удвал эгчээ. Мал яриад байна энчээ тэхүү! Мал мал. Морь мал. Адуу!

Ука: Өө золиг яанаа, эгчийгээ ахиад ингэвэл шууд хэлээд зогсоогоорой за юу. Морь чинь хөөрхөн шдээ. Сармистай хар шөл нь ханиаданд сайн...

Сурв: Та нарт нэг тулгамдсан асуудал тавья гэж бодлоо. Монгол улсын хэмжээгээр...

Ээгий: Юу вэ, одоо тулгамдсан асуудал яриа цаг зав байгаамуу? Наана чинь сонгууль болоод, тийм биз дээ?

Баак: Тэгэлгүй яах вэ, юун тулгамдсан асуудал. Наад асуудлаа бөгсөндөө чих

Ука: Юуны тухай ярьж байгаан та нар? Сая юу юу гэсэн бэ миний дөө?

Сурв: За яахав, тэгвэл та нар монгол эх орондоо оруулсан хувь нэмрээсээ дурдахгүй юу? Ука эгчээс эхэлье даа. ..... Ука эгчээ, ....хөөе Ука аниа!

Ээгий: Ука чи битгий гүлдийгээд байгаач.

Ука: Намайг яагаад загнаад байгаан ийн ийн...

Баак: Май, миний алчуур цэвэр!!!

Ука: Юу вэ энэ чинь шампунь юм уу?

Баак: Өө уучлаарай, май!

Ээгий: Хөгшөөн наадах чинь саван байна. Аварга маань үнэхээр цэвэрч хүн юм даа.

Баак: Би гараараа арчиж өгнө. Миний гар цэвэр!!!

Ука: Баярлалаа Баакаа. За эгч нь одоо ярья даа. Эгч нь монгол эх орондоо хувь нэмэр оруулна. Гэхдээ аваргыг давах нь миний гол хувь нэмэр болох болов уу гэж бодож байгаа (Баак ууртайгаар гараа угз татан авч суудалдаа суув).

Ээгий: За би бол үе үе монгол хэлний мартагдсан үг олж хэлдгээрээ алдартай. Мөн маш их юм ярьж чаддаг. Заримаас нь хийх санаатай байгаа. Энэ чанарыг би их багадаа сурсан, хаана гэдгийг дээр хэлсэн тул давтаад яахав.

Сурв: Аан тийм тийм. Тэгвэл Баак гуай таны хувьд эх орондоо ямар хувь нэмэр оруулж байна?

Баак: За би бол 12 удаа наадамд түрүүлсэн хүн. Өөрийнхөө хамаг хүч чадлыг ингэж эх орондоо зориулсан. Одоо бол би бас л хамаг юмаа зориулаад явж байна. Нэг тийм монгол сайхан уламжлал байдаг даа тиймээ?

Сурв: Ямар уламжлал?

Баак: Чи их зөв хэллээ, тэрэн шиг сайхан, тийм монгол. Ха!..

Сурв: Та юу зүлгээд байна?

Баак: Аа миний нэр бичсэн цаас байгаа юм аа. Миний нэр цэвэр!

Сурв: Одоо хамгийн сүүлчийн хамгийн чухал асуултандаа оръё оо. Та гурав тус тусдаа уриатай байгаа тиймээ? Энийгээ тайлбарлахгүй юу, ямар учиртай юм бэ гэж? За Ээгий ахын уриа болохоор Монгол улсын төлөө зүтгий гэж байгаа тиймээ?

Ээгий: Тиймээ үэхэхэхэ. Монгол улсын төлөө би л зүтгэнэ гэж боддог. Би байхгүй бол яана даа та нар!

Сурв: За манай аваргын уриа чинь Зөвийг дэмжий, төвийг сахий билүү?

Баак: Нэлээн дөхүүллээ, баярлалаа. За миний уриа бол эвийг эрхэмлэе, зөвийг дэмжий гэж байгаа. Тэгээд аль нь зөв, аль нь буруу гэдгийг бол би одоо өөрөө л шийднэ дээ, тийн. Нэг тийм монгол ахуй шингэсэн тиймээ?

Сурв: За баярлалаа, эрхэм үзэгчдээ манай өнөөдрийн мэтгэлцээн амжилттай болж өнгөрлөө...

Ука: Хөөе хөөе би ярий л даа энэ чинь. Надаас асуудгүүмүү, яасан муухай ен...

Сурв: Зазаза битий уйл Ука эгч. Та гялс ярьчих, гялзаарай

Ука: За би бол таван том тоорт...! Бишээ, таван том зорилт таван том зорилго...

Сурв: За баярлалаа. Баяртай үзэгчдээ!

Ука: хөөе л дээ...