Манай Гаамп-плем компани дараах ажлын байранд нэг биш нэлээд хэдэн хүн шалгаруулж авна аа.

 Тавигдах шаардлага:
·    Хэл ярианы өндөр хөгжилтэй
·    Ойр орчныхонтойгоо ярих үнэхээрийн дуртай
·    Ихэнх цагаа хүмүүстэй ярьж өнгөрөөдөг
·    Өөртөө итгэлтэй
·    Бусдад ч бас итгэдэг
·    Голдуу эмэгтэй улсыг авна.

Гүйцэтгэх ажил үүрэг:
Өөрийн үеийн таньдаг таньдагүй бай дундаж эргэм насны эрэгтэй эмэгтэйчүүдэд дараах зүйлсийг ярина.

“Ээ ажил чинь нэг л болкуу байна уу. Гаамп гээд маш сайн үзмэрч байдышд, Эртээд намайг очсон чинь шууд чи бүтэлгүй яваам байна засий гээл засал хийгээл одоо би үнэн дажгүй явжээнээ. Манай хамаатны нэг охинд байдын олон жил нөхөргүй байгаа тэрүүнд ханийн тэнгэр дуудаад үнэн дажгүй залуутай суулгацан гээд боддоо, манай нутгийн хөгшиний ходоод муу байна шууд хараад л хэлсийшд, хотод эмнэлэгт дурандуулаад оношилж чадаагүй өвчин дөө, тэр хүн гэрт нь оронгуут  хүний хамаг юмыг шууд хэлдиймаа, цаашид яах тухай ч илэн далангүй хэлж өгдөг, тэгээд засал масал нь үнэн найдвартай, үзүүлсэн улсаас нь амьдрал нь өөдлөөгүй гэх хүн лав байхгүй. алив ерөөсөө хоёулаа очий”

Үүнийг ягштал цээжиилэн хүмүүс авчирах бөгөөд авчирхаасаа өмнө надад авчирагч этгээдийн тухай онцгой мэдээллүүдийг өгнө. Тэнд нь мэнгэ байдаг, тэр нутгийх, юу юу хийж байсан гэх мэт нарийн мэдээллүүдийг өгнө. Харин насанд хүрсэн бүх монголчууд бөөрний өвчтэй байдаг ба чи их элэг муутай хүн юм архи уудгуу гүү бол архи ууж болкуу шүү элэг чинь тэскүүм байна уухгүй бол яах ч гүй элэг байна даа гэх зэрэг элмэнтаарны зүйлсийг бол би өөрөө бодож олох юм.
Нэг үйлчлүүлэгчийн нийт хөлсний 40 хувийг ажилтан авах бөгөөд өөрийн доор мөн ажилтан элсүүлж авна. Элсүүлсэн ажилтаны үйлчлүүлэгчийн 5 хувийг бас та өөрөө авнаа. Хамгийн олон доороо зуучилагч элсүүлсэн хүнийг мундаг захирал, бүүр лут захирал гэх мэт урамшуулалд хамруулнаа.

Та бүхэн намайг хичнээн худалч луйварчин гэж хэлж болох бөгөөд миний асар олон зуучлагч нар наад яриаг чинь шал худлаа болхыг өдөр бүр хүмүүст ярьж явах тул танд хэн ч итгэхгүй. Тэхээр танд ямар нэг нууц хадгалах үүрэг ноогдохгүй болно.

Хамгийн олон хүн авчирсан хүн Эрээн хотод болох олон улсын үзмэрч, мэргэч, төлөгч, хараалч, ерөөлч, илээч, нулимаач, бүлээч, галаар түлээч, халуунаар хайраач, үзээч, хараач, өөд уруугүй умруулаач, зурхай, сүнс, хий /унгасных биш/, шамбарам, шар хий бадгана  судлаачдын академийн хүндэт гишүүн дооктор, проопээсор болоод зогсохгүй тус академийн уулзалтанд оролцон сарын цалин дээрээ урамшуулал авах боломжтой юмаа.

Манай Гамп-плэм кампаани нь айл бүрийг үзэж, харж, засал хийх, хүн бүрийн зам мөрийг тэгшлэх засгийн газрын хөтөлбөрийн хэмжээнд ерөнхийлөгч удахгүй ивээвэл тэр ивээл дор нь багтаж үйл ажиллагаагаа явуулдаг билээ. Иймээс та  үзүүлсэн үйлчлүүлэгчид хүртэл үнэнийг хэлэн зуучилагчаар ажилд авж болох бөгөөд ээж аав элгэн садан гээд дуртай хүнээ ажилд оруулах боломжтой. Монголын иргэн бүр баяжихын тулд эхлээд намайг дэмж дараа нь бусдаар дэмжүүлэх хэрэгтэй.

Манай Гаамп-плем олон улсын үзэж, харж мэргэлэх компаанид ажилд орсноор таныг үзүүлж харуулах хүсэл сонирхол нэг, эвтэй найртайгаар мэргэлүүлдэг хамт олон,  үзэж харуулж, үймээн самуун болсон ч тохилог дулаахан үзүүлж харуулж мэргэлүүлэх ажлын байр, нэгэнт үзүүлж харуулаад засуулсан байхад цалин хэрэггүй бөгөөд олон үйлчлүүлэгч авчирвал сайн цалин авах горьдлого хүлээж байна. Мөн та ажлын байран дээр байнга байх шаардлагагүй бөгөөд хичээлийн завсраар, ажлын зав чөлөөгөөр хийх боломжтой. Компааний захирлыг хүнтэй тэр тусмаа үеийн бүсгүйчүүдийг үзэж байхад гадны хүн орхыг хориглоно.