Роалд Далийн гайхамшигт түүхүүд 

Роалд Даал бол тагнуулч, байлдааны сөнөөгч онгоцны нисгэгч, шоколад судлаач, эм бүтээгч хүн байв. Тэрээр Чарли ба Шоколадны үйлдвэр, Матилда, Үлэмж Биетэн гэхчлэн олон гайхалтай түүхүүдийн зохиогч юм. Роалд Дал дэлхийн хамгийн шилдэг түүх хүүрнэгч хэмээх алдараа өнөө хэр хадгалсаар буй зохиолч билээ. 

Түүний 4 ном хэвлэгдэн гарлаа.

Матилда

Роалд Дал хүүхдийн ертөнцөд амьдрал ямар байдгийг оюун санаандаа шингээн хадгалж явсаар Матилдагаа бичжээ. Тэрээр хүүхдийн нүдээр амьдралыг харъя гэвэл дөрвөн хөллөж байгаад, дээрээс чинь ширвэн, чиний юу хийхийг заадаг томчуудыг ажиглах хэрэгтэй хэмээж байжээ. Зальхай хүнийг ялан дийлж буй бяцхан Матилдагийн түүх дээрх онолд хамаарна. Матилда бол 1988, 1999 оны Хүүхдийн Шилдэг Ном шагналын эзэн бөгөөд Дэлхийн Номын Өдрөөр долоогоос арван нэгэн насны 15000 хүүхдээс авсан санал асуулгаар хүүхдийн хамгийн алдартай бүтээлээр шалгарч байв. 

Жэймс ба Аварга тоор

Эцэг эх нь гэгээн цагаан өдөр амьтны хүрээлэнгээс оргосон хирсэнд идүүлж орхисон тул Жэймс Хэнри Троттер хүү өнчин үлдээд, хорон санаат авга эгч нартайгаа амьдрах болдог юм. Нэг удаа гэрийнхээ гадаах цэцэрлэгт уйтгарт автан сууж байхад нь нэг хачин жигтэй шидтэн ирж уут дүүрэн ид шид бэлэглэнэ. Тэр ид шидээс нь аварга том тоор ургадаг юм. Авга эгч нар нь тоорыг хүмүүст үзүүлж мөнгө олцгоохоор шийддэг бол Жэймс жимсэн дотор орж, хүнэрхүү болцгоосон аварга биет шавьжнуудтай танилцан нөхөрлөж эхэлдэг юм. Тэгээд найз нартайгаа нийлэн, илүү сайхан амьдралыг хайж олохоор адал явдлаар дүүрэн аянд мордоно. 

Аварга Матар

Аварга матар өдрийн хоолонд юу зооглохоо бодож байна. Голынхоо хамгийн шуналтай, энэ өөдгүй матар ямар нэг шүүслэг, амттан идэхийг хүсчээ. Хурц шүднүүд нь нарны гэрэлд хутганы ир мэт гялбана. Цаг өнгөрөх тусам матар улам ихээр өлсч байна гэнэ. 

Энэ зальт адгуус гэхдээ юу ховдоглон идэх бол?

БОЛГООМЖЛООРОЙ! Матар чамтай тун адилхан хэн нэгнийг хайж явна...

Шидэт хуруу

Грэггийнх бол ан хийж нааддаг гэр бүл. Хажуу айлынх нь охинд энэ явдал огтоос таалагддаггүй, наадаан тоглоом биш харин харгис хэрцгий явдал санагддаг юм. Тэр боловсон охин болохоор Грэггийнхэнд ан амьтан агнахаа зогсоохыг ярьж ойлгуулах гэж оролдсон ч цаадуул нь түүнийг шоолж, дооглон өнгөрүүлдэг юм. Нэгэн удаа Грэггийнхний харгис тоглоом арай хэтэрсэн нь охиныг туйлд нь хүртэл уурлуулна. Тэгээд шидэт хуруугаа тэдний зүг өөрийн эрхгүй дохиж орхидог юм. Грэггийнхэн шувуу болж хувираад, үүрэнд амьдарч, түмэн бэрхшээлтэй учирна. “Шидэт хуруу” түүх дөнгөж эхэлж буй нь энэ. 

National Geographic, НЭПКО хэвлэлийн газраас хамтран гаргасан Багачуудын анхны том ном хэмээх энэхүү цуврал нь хүүхдийн танин мэдэхүйг тэлсэн сонирхол татам бүтээл юм.

#Багачуудын_анхны_том_ном

National Geographic, НЭПКО хэвлэлийн газраас хамтран гаргасан Багачуудын анхны том ном хэмээх энэхүү цуврал нь хүүхдийн танин мэдэхүйг тэлсэн сонирхол татам бүтээл юм. Сониуч бяцхан уншигч дүү нартаа зориулсан эдгээр номд юмсын учир шалтгаан, үүсэл гарал, манай гаригийн сонирхолтой газар орон, түүхэнд нэрээ мөнхөлсөн авьяаслаг хүмүүсийн намтар, нээлт ололтын тухай хүүхдэд ойлгомжтойгоор маш энгийн өгүүлжээ.

#Багачуудын_анхны_том_ном_ЯАГААД

ЯАГААД? гэдэг бол хүүхдүүдийн маань тогтмол асуудаг асуулт билээ. Үндэсний Газарзүйн Нийгэмлэгээс эрхлэн гаргасан Багачуудын Анхны Том Ном: Яагаад хэмээх бүтээлийг хүүхдүүддээ уншуулснаар хүүхдийнхээ хувьд маш чухал асуултад "товчхон" хариулт өгөхийн оронд танин мэдэхүйг нь тэлж, урам сэргээх мэдээллээр тэтгэнэ гэдэгт бид итгэлтэй байна. Уг номдоо бид хүүхдийн сониуч занг хөдөлгөж, ертөнцийг танинмэдэх хүслийг төрүүлэм 300 гаруй өнгөлөг зураг багтаалаа. Бүлэг болгонд идэвх сэргээх сонирхолтой асуулт оруулснаас гадна эцэг эхчүүдэд зориулсан хэсэгт гэр бүлийн дотно уур амьсгалыг нэмэх хөгжөөнт зөвлөгөөнүүд нийтэлсэн байгаа. Түүнчлэн багачууд маань "Ийм юм байж болох уу?" булангаас өөрийнхөө юу сурсныг сорих боломжтой шүү!

#Багачуудын_анхны_том_ном_ЯАЖ

ЯАЖ? гэдэг бол хүүхдүүдийн маань өдөр бүр, бүхий л зүйлийн тухайд асуудаг асуулт билээ. Үндэсний Газарзүйн Нийгэмлэгээс эрхлэн гаргасан Багачуудын Анхны Том Ном: Яаж хэмээх бүтээлийг хүүхдүүддээ уншуулснаар хүүхдийнхээ хувьд маш чухал асуултад "товчхон" хариулт өгөхийн оронд танин мэдэхүйг нь тэлж, урам сэргээх мэдээллээр тэтгэнэ гэдэгт бид итгэлтэй байна. Уг номдоо бид хүүхдийн сониуч занг хөдөлгөж, ертөнцийг танин мэдэх хүслийг төрүүлэм 300 гаруй өнгөлөг зураг багтаалаа. Бүлэг болгонд идэвх сэргээх сонирхолтой асуулт, тоглоом оруулснаас гадна эцэг эхчүүдэд зориулсан хэсэгт гэр бүлийн дотно уур амьсгалыг нэмэх хөгжөөнт зөвлөгөөнүүд нийтэлсэн байгаа.

#Багачуудын_анхны_том_ном_ДЭЛХИЙ

НОМООР ДАМЖУУЛЖ ДЭЛХИЙГ ТОЙРОН АЯЛАХ ЦАГ ИРЛЭЭ. Дэлхийн олон орны хүмүүс, газар нутаг, цаг агаарын тухай хамтдаа судалж мэдэцгээе. Хуудас бүрийг хараа булаам гэрэл зургаар баяжуулсан эл номд Америкаас Австрали, Европоос Антарктид хүртэлх тивүүдийн үзүүштэй газрууд, улс орных нь талаарх мэдээллийг бяцхан уншигчдадаа зориулж сонирхолтой байдлаар хүргэсэн тул та бүхэн шимтэн уншаарай.

#Багачуудын_анхны_том_ном_ХҮМҮҮС

БИД ЭНЭ НОМДОО Мартин Лютэр Кинг, Амилиа Эрхарт, Чингис хаан, Мохандас Ганди гэх мэт дэлхийд алдар нэрээ цуурайтуулсан гайхалтай хүмүүсийн намтрыг орууллаа. Багачууд та нар энэхүү зурагт номноос 50 гаруй хүний үлгэр дууриалал авахуйц амьдралыг сонирхон уншаарай.

#НЭПКО & #National_Geographic