За энэ л орчуул уулзвар тэр чигтээ түгжирлээ гээ л харж байнгуут тэр заавал тийшээ орно. Уулзвар яг л фото зураг шиг хөдөлгөөнгүй болж цагдаа ирэхээс нааш тэр чигтээ л байна. Тэр өөрөө тийшээ орчуул түгжээ үүсгэхээ там тум ч болох нээ мэдэж байж магадгүй. Гэвч урд нь багтаад орчих зай байсаар байтал зүгээр хараад зогсоно гэжүү? Тииийм их тэвчээр гаргаж зогсох тэр ямар гэм хийсэн юм бэ!

Цагдаа ирлээ, түгжээс мултарлаа, удаан ч гэсэн машинууд урагшилж эхэллээ. Тэр өөрийн эгнээгээ бариад л явбал очих газартаа хүрнэ. Гэвч хажуу эгнээнд нь сул зай харагдаа л бол зөнгөөрөө тийшээ чихнэ. Тэгээд явж байтал нь түрүүн өөрөө байсан эгнээнд сул зай гарна. Тэр буцаад л огло харайна. Харин жинхэнээсээ баруун юмуу зүүн эргэх гэж байгаа жолооч эгнээ солихдоо түүний урдуур таарчвал тэр үүнийг хэзээ ч зөвшөөрөхгүй. Бүр хэзээ ччч! Тэр амь настай нь холбоотой, секунд доолиор хэмжигдэх ажилтай хүн.

Уг нь нэг машин 5 хүрэхгүй л метр урттай. 5 метр зайг машин хэр удаан туулах вэ?

Гэрлэн дохиогүй уулзварт явган хүний гарцаар гарч байгаа хүн давуу эрхтэй. Машин унагч түүнийг бууж үнсдэггүй юмаа гэхэд зүгээр урдуур нь явж өнгөрөхийг хүлээх үүрэгтэй. Гэвч... “түй май!”. Сигналаа чарлуулна, гэрлээ анивчуулна, хаазлана, ухасхийнэ дотроосоо гараа зангидаж занана. Эцэст нь өөрөө түрүүлээд гараад явна. Ураа! Тэр өөртөө мангар их цагийн хэмнэлт гаргаж чадлаа. Бүхэл бүтэн 2 секунд. Ажил хэрэгч хүнд бол энэ маш их хугацаа шүү.

Түгжирч ядаж байхад улаанаар зогсох гэдэг бол түүнд бөөн там. Тэр хэдэн хормыг арай ядан даван туулж ногоон гэрэл нэг юм аслаа. Түүний санаа ааль хэдийн уулзвар даваад давхиж явахад урд талын хөдөлж ядсан юм явж өгдөггүй ээ. Сигналаа шаттал нь дарна. “Яваад өгөөчээ новшоо!”. Уг нь дүрмэнд “ногоон гэрлээр хөдөлгөөн эхэлнэ” гэж байгаа. Бас машинд хөдөлж явж эхлэх өөрийн гэсэн техникийн хугацаа ч бий. Гэвч тэр ямар хамаа байнаа, давхих гээд байх чинь.

Уулзвар дээр улаан асчаагүй л бол шар проблэм биш. Үсрээ л шарсан өндөгний шар шиг санагдуул санагдна. Уг нь шар гэрлээр хөдөлгөөнөө үргэлжлүүлэхийг дүрмээр хориглох боловч тэр нь “самрын ясаа кармаалж яваад хогийн саванд...” гэдэг хүн нь өөрөө хүсвэл л нэг хийж магадгүй, гэхдээ хэзээ ч хүсэхгүй шаардлага шиг. 

Харин өөрөө ногоон асахыг хүлээж байгаа эхний машин байх юм бол “хөдөлгөөн шар гэрлээр эхэлнэ” гэсэн хувийн дүрмээрээ ухасссс.... гээ л гараа явчна. Уулзвар нэвтрэхдээ уулзварт нэгэнт орцон байгаа тээврийн хэрэгсэлийг өнгөрүүлж байж нэвтрэх дүрэмтэй. Гэвч түүнд ингээд суужээдэг тэвчээр даанч нэг заяасангүй. Орж л орхино. Ингээд түгжирлээ. Миний бичлэг эргээд эхэндээ очлоо. Хэзээ ч хэлбэрээ алдахгүй нэгэн сайхан тойрог үүслээ. 

Тойргийн гаднаас нэг юм хэлчхэд: Монголын зам дээр “цагдаа байна” эсвэл “цагдаа алгаа ор ор” гэсэн хоёр л үндсэн дүрэмтэй. Би харилаа, машинаа жоохон халааж байгаад алалцаад явлаа.